सांगली । जिल्हा परिषदेकडून औजारे अनुदानासाठी अर्ज सुरु

बातमी शेअर करा :

Last Updated on 29 Jul 2022 9:43 PM by Sanjay Patil/Adhorekhit

सांगली |

सांगली जिल्हा परिषदेच्या कृषी विभागाच्या वतीने स्विय निधी योजना अंतर्गत सन २०२२-२३ मध्ये शेतकऱ्यांसाठीच्या योजना ट्रॅक्टर,पावर टिलर,कडबाकुट्टी मशिन आदी औजारे अनुदानासाठी अर्ज सुरु झाले आहेत.

सदर अर्जामध्ये मागणी केलेल्या आयुधे/औजारे नाव, आयुधे/औजारे कोटेशन क्र. व दिनांक,बँकेचे पूर्ण नाव व शाखा, बँकेचा खाते नंबर (आधारकार्डशी जोडलेला असावा),बँकेचा आय एफ एस सी (IFSC) नंबर, आधार कार्ड क्रमांक, इत्यादी तपशील योग्यरीत्या लिहून दिव्यांग असल्यास दिव्यांग प्रमाणपत्र,आणि जात प्रमाणपत्र (मागासवर्गीय अनुसूचित जाती/जमाती ) असल्यास जोडावे.

योजनेबाबत सविस्तर माहिती अशी :

१) कडबाकुट्टी मशिन : २ एच.पी. इलेक्ट्रीक मोटरसह (ISI mark) योजना

अनुदान मर्यादा : ९ हजार रुपये किंवा किमतीच्या ५० टक्के यापैकी जे कमी असेल ते.

२) पावर टिलर : ८ एच.पी. पेक्षा जास्त क्षमतेचा रोटरीसह योजना

अनुदान मर्यादा : ५० हजार रुपये किंवा किमतीच्या ४० टक्के यापैकी जे कमी असेल ते

३) ट्रॅक्टर : ०८ ते ७० PTOHP योजना

अनुदान मर्यादा : ९० हजार रुपये प्रति लाभार्थी

अर्जासोबत ही जोडा कागदपत्रे

सातबारा खाते उतारा
आयुधे/औजारे कोटेशन
आधार कार्ड स्वयंसाक्षांकित प्रत
बँक पासबुक झेरॉक्स प्रत ( IFSC कोड सहित )
हयातीचे स्वयंघोषणापत्र
लहान कुटुंबाचे स्वयंघोषणापत्र
दिव्याग असल्यास दिव्यांग प्रमाणपत्र झेरॉक्स प्रत (असल्यास)
मागासवर्गीय अनुसूचित जाती/जमाती या प्रवर्गातील असल्यास त्याबाबत प्राधिकृत अधिकाऱ्यांनी दिलेल्या वैध जात प्रमाणपत्राची प्रत
यापूर्वी सांगली जि.प. कडील & या वैयक्तिक योजनेचा लाभ न घेतलेचे हमीपत्र.

लाभार्थी निवड निकष

यापूर्वी जि.प.च्या कडबाकुट्टी मशिन/पावर टिलर/ट्रॅक्टर या वैयक्तिक योजनेचा लाभ घेतलेला नसावा.
स्वतः चे नावे ७/१२ व खाते उतारा असावा,
महिला लाभार्थी व अल्प, अत्यल्प भूधारक शेतकऱ्यांना प्राधान्य राहील.
दिव्यांग व्यक्तींना प्राधान्य देण्यात येईल.
कडबाकुट्टी मशिन करीता अर्जदार शेतकऱ्याकडे पशुधन असलेबाबतचा पशुवैद्यकीय यंत्रणेचा दाखला

कृषी विभाग जिल्हा परिषद सांगली यांचेकडील स्वीय निधी योजनेतून आयुधे / औजारे लाभ मिळणेबाबत अर्ज नमुना डाउनलोड करण्यासाठी