Last Updated on 05 Nov 2023 4:14 PM by Sanjay Patil/Adhorekhit
कर्नाटक विधानसभा निवडणूकीसाठी भाजपाचे राष्ट्रीय अध्यक्ष जे. पी. नड्डा यांनी पक्षाचा जाहीरनामा घोषित केला. या जाहीरनाम्यातून भाजपानं दारिद्ररेषेखालच्या नागरिकांना दरवर्षी नंदिनी दूध, पाच किलो बाजरी आणि तीन स्वयंपाकाचे सिलेंडर मोफत देण्याचं आश्वासन दिलं आहे.
या जाहीरनाम्यात भाजपानं अण्णा, अक्षरा, आरोग्य, अभिवृद्धी, आद्या आणि अभया अशा शिर्षकांखाली आपली आश्वासनं नमूद केली आहेत. यातून राज्यातल्या सर्व महानगरपालिकांच्या प्रत्येक प्रभागात अटल आहार केंद्र सुरू करण्याचं आश्वासनही भाजपानं दिलं आहे.
राज्यातल्या शासकीय शाळांच्या अद्ययावतीकरणासाठी विश्वेश्वरय्या विद्या योजना, लघु आणि मध्यम उद्योगक्षेत्र तसंच माहिती तंत्रज्ञान उद्योगक्षेत्रातल्या समन्वयासाठी समन्वय योजना आणि सार्वजनिक आरोग्यविषयक क्षेत्रासाठीच्या पायाभूत सोयीसुविधांच्या सक्षमीकरणासाठी आरोग्य योजना राबवली जाईल असं आश्वासन भाजपानं आपल्या जाहीरनाम्यातून दिलं आहे.









































































