फिरत्या चित्ररथाच्या माध्यमातून क्षेत्रीय लोकसंपर्क ब्यूरो पोहचत आहेत लोकांपर्यंत
पुणे |
केंद्र सरकारच्या माहिती आणि प्रसारण मंत्रालयाअंतर्गत येणाऱ्या प्रादेशिक लोकसंपर्क ब्यूरो, पुणे या कार्यालयाद्वारे महाराष्ट्रातील दहा जिल्ह्यात 25व्या राष्ट्रीय युवा महोत्सवानिमित्त जनजागृती कार्यक्रम आज उत्साहात सुरू करण्यात आला.
संसर्गजन्य साथीच्या काळात फिरत्या चित्ररथावर लावलेल्या बनर्स व ध्वनीफितीच्या माध्यमातून लोकांपर्यंत पोहचण्याचा प्रयत्न हा विभाग करत आहे. स्वामी विवेकानंद जयंती अर्थात राष्ट्रीय युवा दिन साजरा करण्यासाठी विभागातील कलाकारांनी ‘सक्षम युवा, सशक्त युवा’ या संकल्पनेवर गाण्याची निर्मिती केली असून, त्या माध्यमातून युवाना प्रेरित केले जाणार आहे. यावेळी महापौर, जिल्हाधिकारी अशा मान्यवरांनी चित्ररथांना हिरवा झेंडा दाखवून उपक्रमाला सुरुवात करून दिली. यासह नागपूरमध्ये रक्तदान शिबिर व सेमिनार, नाशिकमध्ये ऑनलाइन वक्तृत्व तसेच पोस्टर मेकिंग स्पर्धा तर, जळगाव येथे योग वर्गाचे आयोजन करण्यात आले.
पुददूचेरी येथे 12 ते 16 जानेवारी 2022 या काळात होणाऱ्या 25व्या युवा महोत्सवाचे आज पंतप्रधान नरेंद्र मोदी यांनी उद्घाटन केले. या पाच दिवसांच्या कालावधीत होत असलेल्या आभासी राष्ट्रीय युवा महोत्सवाअंतर्गत देशासाठी बलीदान देणा-या वीर महापुरूषांची माहिती देणे, युवकांच्या मनात महापुरूषांची प्रेरणा रूजविणे, सक्षम भारताची निर्मिती करण्यासाठी युवकांमध्ये राष्ट्रप्रेम निर्माण करणे, जगात भारताचे नाव पुढे नेण्यासाठी नवयुवकांद्वारे करण्यात येणारे विविध प्रयोग, विविध राष्ट्रीय-आंतरराष्ट्रीय खेळांमध्ये उत्कृष्ठ कामगिरी करून देशाचे नाव उज्वल करण्यासाठी प्रेरीत करण्याकरीता जनजागृती निर्माण केली जात आहे.
अहमदनगर, अमरावती, औरंगाबाद, सोलापूर, जळगाव, कोल्हापूर, नागपूर, नाशिक, नांदेड, चंद्रपूर अशा दहा जिल्ह्यांमध्ये ही प्रचार-प्रसार मोहिम पुढचे काही दिवस राबविण्यात येणार आहे.
राष्ट्रीय युवा महोत्सव आणि कोविड लसीकरण जनजागृती मोहिमेचा जिल्हाधिकारी राहुल रेखावार यांच्या हस्ते शुभारंभ
कोल्हापूर : स्वामी विवेकानंद यांच्या जयंतीनिमित्त 25 वा राष्ट्रीय युवा महोत्सव आणि कोविड 19 लसीकरण या विषयावर कोल्हापूर जिल्ह्यातील विविध तालुक्यात जनजागृतीसाठी तयार केलेल्या फिरते ऑटोरिक्षा प्रचार प्रसार मोहिमेचा शुभारंभ जिल्हाधिकारी राहुल रेखावार यांच्या हस्ते व कोल्हापूर विभागाचे माहिती उपसंचालक डॉ. संभाजी खराट यांच्या प्रमुख उपस्थितीत आज करण्यात आला.
यावेळी क्षेत्रीय लोकसंपर्क ब्युरो, कोल्हापूर विभागाचे क्षेत्रीय प्रचार अधिकारी हंसराज राऊत, माहिती उपसंचालक कार्यालयाचे सहायक संचालक फारूख बागवान, माहिती सहायक एकनाथ पोवार उपस्थित होते.
माहिती व प्रसारण मंत्रालय, भारत सरकारच्या प्रादेशिक लोकसंपर्क ब्युरो, पुणे यांच्यावतीने हे उपक्रम आज राज्यातील एकूण ११ जिल्ह्यांमध्ये राबविण्यात येत आहे. त्याचाच एक भाग म्हणून क्षेत्रीय लोकसंपर्क ब्युरो, कोल्हापूरच्यावतीने स्वामी विवेकानंद यांच्या जयंतीनिमित्त २५ वे राष्ट्रीय युवा महोत्सव आणि कोविड १९ लसीकरण या विषयावर कोल्हापूर जिल्ह्यातील विविध तालुक्यात फिरते ऑटोरिक्षाद्वारे प्रचार प्रसार मोहीम राबविण्यात येत आहे.
या उपक्रमांतर्गत कोव्हिड लसीकरणाबाबतची माहिती, आझादी का अमृत महोत्सव अंतर्गत देशासाठी बलिदान देणाऱ्या वीर महापुरूषांची माहिती लोकांना देण्यात येणार आहे. तसेच राष्ट्रीय युवा महोत्सवांतर्गत युवकांच्या मनात महापुरूषांची प्रेरणा रूजविण्याचे कार्य, तसेच सक्षम भारताची निर्मिती करण्यासाठी युवकांमध्ये राष्ट्र प्रेमाविषयी जनजागृती निर्माण करणे, जगात भारताचे नाव पुढे नेण्यासाठी नव युवकांद्वारे करण्यात येणारे विविध नवनवीन प्रयोग, विविध राष्ट्रीय, आंतरराष्ट्रीय खेळांमध्ये उत्कृष्ठ कामगिरी करून देशाचे नाव उज्वल करण्यासाठी प्रेरीत करण्याकरीता जिल्ह्यातील युवकांमध्ये जनजागृती निर्माण केली जात आहे.
मोहिमेला उपसंचालक माहिती कार्यालय, कोल्हापूर आणि जिल्हा माहिती कार्यालय, कोल्हापूर यांचे सहकार्य लाभले आहे.
मोहिमेच्या यशस्वितेसाठी प्रादेशिक लोकसंपर्क ब्युरो, पुण्याचे संचालक प्रकाश मकदुम, उपसंचालक निखील देशमुख यांच्या मार्गदर्शनात क्षेत्रीय लोकसंपर्क ब्युरो, कोल्हापुरचे क्षेत्रीय प्रचार अधिकारी हंसराज राऊत, एन.डी. नाळे, विलास शेणवी परिश्रम घेत आहेत.
