Last Updated on 17 Sep 2025 5:35 PM by Sanjay Patil/Adhorekhit
सांगली | महाराष्ट्र राज्य परीक्षा परिषद, पुणे यांच्यामार्फत महाराष्ट्र शिक्षक पात्रता (TET) – 2025 परीक्षा रविवार दि. 23 नोव्हेंबर, 2025 रोजी घेण्याचे नियोजित असल्याचे महाराष्ट्र राज्य परीक्षा परिषदेच्या आयुक्त अनुराधा ओक यांनी कळविले आहे.
इयत्ता 1 ली ते 5 वी (पेपर 1) व इयत्ता 6 वी ते 8 वी (पेपर 2) साठी सर्व व्यवस्थापन, सर्व परीक्षा मंडळे, सर्व माध्यम अनुदानित/विनाअनुदानित, कायम विनाअनुदानित इत्यादी शाळांमध्ये शिक्षण सेवक / शिक्षक पदावर नियुक्तीसाठी उमेदवारांना प्रथमतः ही परीक्षा उत्तीर्ण होणे अनिवार्य आहे. या परीक्षेशी संबंधित सर्व शासन निर्णय, अनुषंगिक माहिती, सूचना महाराष्ट्र राज्य परीक्षा परिषदेच्या https://mahatet.in या संकेतस्थळावर उपलब्ध आहे. ऑनलाईन अर्ज भरणे, परीक्षा शुल्क भरणे, परीक्षेची वेळ व इतर सविस्तर माहितीचा तपशील परिषदेच्या https://mahatet.in संकेतस्थळावर देण्यात आलेला आहे. सर्व संबंधित परीक्षार्थींनी सदर संकेतस्थळास नियमित भेट द्यावी. सदर परीक्षेची ऑनलाईन आवेदनपत्र भरण्याची प्रक्रिया दि. 15 सप्टेंबर, 2025 पासून सुरू झाली असून दि. 03 ऑक्टोबर, 2025 पर्यंत पर्यंत परीक्षार्थींना ऑनलाईन पद्धतीने परीक्षेचे आवेदनपत्र भरता येतील.
कार्यवाहीचा टप्पा आणि कालावधी याप्रमाणे- ऑनलाईन आवेदनपत्र व परीक्षा शुल्क भरण्याचा कालावधी – दि. 15 सप्टेंबर ते 3 ऑक्टोबर, 2025, प्रवेशपत्र ऑनलाईन प्रिंट काढून घेणे- दि. 10 ते 23 नोव्हेंबर 2025, शिक्षक पात्रता परीक्षा पेपर I दिनांक व वेळ- रविवार दि. 23 नोव्हेंबर 2025 वेळ सकाळी 10.30 ते दुपारी 13.00, शिक्षक पात्रता परीक्षा पेपर II दिनांक व वेळ -रविवार दि. 23 नोव्हेंबर 2025 वेळ दुपारी 14.30 ते 17.00
काही प्रशासकीय अडचणीमुळे सदर वेळापत्रकामध्ये बदल होण्याची शक्यता नाकारता येत नाही. परीक्षाथ्यांसाठी अद्यावत माहिती परिषदेच्या https://mahatet.in या संकेतस्थळावर यथावकाश प्रसिद्ध केली जाईल याची परीक्षार्थींनी नोंद घ्यावी, असेही प्रसिध्दी पत्रकाद्वारे कळविण्यात आले आहे.
