Last Updated on 03 May 2025 8:00 AM by Sanjay Patil/Adhorekhit
सातारा । य. मो. कृष्णा सहकारी साखर कारखान्याच्या सन २०२५-२६ या गळीत हंगामाकरिता ऊसतोडणी वाहतूक करारांचा प्रारंभ उत्साहात करण्यात आला. कारखान्याचे संचालक वसंतराव शिंदे यांच्या शुभहस्ते व व्हाईस चेअरमन जगदीश जगताप यांच्या प्रमुख उपस्थितीत तोडणी वाहतूकदारांना करारपत्रांचे वाटप करण्यात आले.
यावेळी संचालक संजय पाटील, जे डी मोरे, अविनाश खरात, विलास भंडारे, मॅनेजिंग डायरेक्टर बाजीराव सुतार, बहेचे माजी उपसरपंच मनोज पाटील, वैभव जाखले यांची प्रमुख उपस्थिती होती.
व्हाईस चेअरमन जगदीश जगताप म्हणाले, कारखान्याचे चेअरमन डॉ. सुरेशबाबा यांच्या मार्गदर्शनाखाली तसेच सर्व ऊसतोडणी वाहतूकदार, कंत्राटदार यांच्या सहकार्यामुळे कारखान्याचा गळीत हंगाम यशस्वी पार पडला. येणारा गळीत हंगामही आपल्या सर्वांच्या सहकार्याने यशस्वीपणे पार पाडायचा आहे.
मॅनेजिंग डायरेक्टर बाजीराव सुतार यांनी ऊसतोडणी वाहतूकदार, कंत्राटदार यांना मार्गदर्शन केले. यावेळी बोलताना ते म्हणाले, इथून पुढे गळीत हंगामांचा कालावधी लहान असणार आहेत. त्यामुळे नियोजनबद्ध तोडणी यंत्रणा राबवून आपण गळीत हंगाम यशस्वीपणे पार पाडुया.
यावेळी जनरल मॅनेजर केन दादासाहेब शेळके, ऊसविकास अधिकारी पंकज पाटील, एच. आर. मॅनेजर संदीप भोसले, सहाय्यक शेती अधिकारी अजय दुपटे, सहाय्यक ऊसविकास अधिकारी शिवाजी बाबर, केनयार्ड सुपरवायझर विजय मोहिते आदींसह ऊसतोडणी वाहतूकदार व कंत्राटदार, गट अधिकारी व शेतकी कर्मचारी उपस्थित होते.
