एनडीए सरकारचे खातेवाटप जाहीर : अमित शाह, नितीन गडकरींकडे मोठी जबाबदारी, पाच प्रमुख खातीही भाजपकडेच!

नवी दिल्ली । पंतप्रधान नरेंद्र मोदी यांनी रविवारी लागोपाठ तिसऱ्यांदा मंत्रिपदाची शपथ घेतली आहे. पंतप्रधान नरेंद्र मोदी यांच्यासह एनडीएच्या घटकपक्षांच्या खासदारांनीही मंत्रिपदाची शपथ घेतली, यानंतर आता या मंत्र्यांचं खातेवाटप जाहीर झाले आहे.अमित शाह यांच्यावर पुन्हा एकदा गृहमंत्रीपदाची जबाबदारी देण्यात आली आहे. तर राजनाथ सिंह यांच्याकडे संरक्षण मंत्रालयाची जबाबदारी देण्यात आली आहे.परराष्ट्र मंत्रालय एस. जयशंकर यांच्याकडे देण्यात आले आहे.नितीन गडकरी यांना पुन्हा रस्ते-परिवहन मंत्रालय देण्यात आले आहे.

पंतप्रधान नरेंद्र मोदी यांनी रविवारी लागोपाठ तिसऱ्यांदा मंत्रिपदाची शपथ घेतली आहे. पंतप्रधान नरेंद्र मोदी यांच्यासह एनडीएच्या घटकपक्षांच्या खासदारांनीही मंत्रिपदाची शपथ घेतली, यानंतर आता या मंत्र्यांचे खातेवाटप जाहीर झाले आहे.

पंतप्रधान नरेंद्र मोदी यांच्या मंत्रिमंडळात अमित शाह केंद्रीय गृहमंत्री, राजनाथ सिंह यांना संरक्षण मंत्री, एस जयशंकर यांना परराष्ट्र मंत्री, अश्विनी वैष्णव यांना रेल्वे मंत्री तर नितीन गडकरी यांना रस्ते वाहतूक मंत्रालय देण्यात आले आहे. पंतप्रधान नरेंद्र मोदी यांनी त्यांच्या मंत्रिमंडळातली पाच प्रमुख खाती ही भाजपकडेच ठेवली आहेत. पंतप्रधान नरेंद्र मोदींच्या दुसऱ्या कार्यकाळातही या पाच जणांकडे हीच खाती होती. शिवराज सिंह चौहान यांच्याकडे कृषी खाते देण्यात आले आहे. जेपी नड्डा यांना आरोग्यमंत्री करण्यात आले आहे. निर्मला सितारमण यांच्याकडे अर्थ मंत्रालय कायम ठेवण्यात आले आहे. तर धर्मेंद्र प्रधान यांना शिक्षण मंत्रीपद दिले गेले आहे. टीडीपीच्या राम मोहन नायडू यांना हवाई उड्डाण मंत्रालय देण्यात आले आहे. किरण रिजीजू संसदीय कामकाज मंत्री असतील. हरदीप सिंग पुरींना पेट्रोलियम मंत्रिपद देण्यात आले आहे.

मोदी सरकारचे खातेवाटप असे :

कॅबिनेट मंत्री

राज्यमंत्री(स्वतंत्र प्रभार)

राज्यमंत्री