मुंबई । मुख्यमंत्री एकनाथ शिंदे यांच्या अध्यक्षतेखाली आज मंत्रालयात पार पडलेल्या राज्य मंत्रिमंडळाच्या बैठकीत विविध महत्त्वाचे निर्णय घेण्यात आले. मंत्रिमंडळ बैठकीस उपमुख्यमंत्री देवेंद्र फडणवीस, उपमुख्यमंत्री अजित पवार आणि मंत्रिमंडळातील सदस्य उपस्थित होते.
आजच्या या बैठकीत विद्यार्थ्यांसाठी महत्त्वाचे निर्णय घेण्यात आले आहे. शासकीय वैद्यकीय महाविद्यालयातील इंटर्नशिप करणाऱ्या विद्यार्थ्यांना विद्यावेतनात भरीव वाढ करण्याचा निर्णय राज्य मंत्रिमंडळ बैठकीत घेण्यात आला आहे. त्यामुळे आता विद्यार्थ्यांना दरमहा 18 हजार रुपये मिळणार आहेत.
राज्यात जळगाव, लातूर, बारामती, सांगली (मिरज), नंदुरबार , गोंदिया या सहा ठिकाणी नर्सिंग महाविद्यालय उभारण्याचाही निर्णय शासनातर्फे घेण्यात आला आहे. ज्यामुळे आता नर्सिंग क्षेत्रात करिअर करू इच्छिणाऱ्या विद्यार्थीनींना याचा सर्वाधक फायदा होणार आहे. तर, ग्रामविकास विभागामार्फत मुख्यमंत्री ग्रामसडक योजनेत अतिरिक्त सात हजार किमी रस्ते आणि पुलाची कामे करण्याची निर्णय बैठकीत घेण्यात आला आहे. आजच्या बैठकीत एकूण 10 महत्त्वाचे निर्णय घेण्यात आले आहेत.
पंतप्रधान मोदींनी ‘पीएम सूर्य घर’ योजनेची केली घोषणा, आता दरमहा मिळणार 300 युनिट मोफत वीज
पीएम किसान सन्मान निधी योजनेत समावेशासाठी विशेष मोहीम
मंत्रिमंडळ बैठकीतील संक्षिप्त निर्णय
✅ मुख्यमंत्री ग्राम सडक योजनेत अतिरिक्त 7 हजार कि.मी. रस्ते व पुलाची कामे
✅ ऑनलाईन पद्धतीने वाळू, रेती पुरविण्यासाठी सर्वंकष सुधारित रेती धोरण. ‘ना नफा, ना तोटा’ तत्त्वावर वाळू विक्री दर निश्चित करणार
✅ शासकीय वैद्यकीय महाविद्यालयातील इंटर्नशिप विद्यार्थ्यांच्या विद्यावेतनात भरीव वाढ. आता मिळणार दरमहा 18 हजार रुपये.
✅ राज्य शासकीय कर्मचाऱ्यांची मागणी मान्य. आश्वासित प्रगती योजनेत सुधारणा.
✅ उच्च तंत्रज्ञानाच्या अतिविशाल उद्योगांना प्रोत्साहन देणार. राज्यातील कमी विकसित भागांना फायदा
✅ सायन कोळीवाड्यातील सिंधी निर्वासितांच्या 25 इमारतींचा पुनर्विकास करणार. म्हाडा करणार विकास
✅ अनुसूचित जातीच्या विद्यार्थ्यांना देण्यात येणाऱ्या मॅट्रिकपूर्व शिष्यवृत्ती योजनेसाठी सुधारित मार्गदर्शक सूचना
✅ राज्यात जळगाव, लातूर, बारामती, सांगली (मिरज), नंदुरबार , गोंदिया या सहा ठिकाणी नर्सिंग महाविद्यालय
✅ औद्योगिक क्षेत्रात पायाभूत सुविधांना प्रोत्साहन देणार. 50 टक्के मुद्रांक शुल्क सवलत
✅ भुदरगड तालुक्यात नवीन समाजकार्य महाविद्यालय