मंत्रिमंडळ बैठकीतील 10 महत्त्वाचे निर्णय; शेतकरी,विद्यार्थी,ग्रामसेवकांसाठी खुशखबर

Last Updated on 13 Jun 2023 3:36 PM by Sanjay Patil/Adhorekhit

ग्रामसेवकांच्या वेतनात  10 हजार रुपयांची वाढ तर शेतकऱ्यांच्या मदतीसाठी 1500 कोटी मंजुर

मुंबई | राज्य मंत्रिमंडळाची बैठक मुख्यमंत्री एकनाथ शिंदे यांच्या अध्यक्षतेखाली आज मंत्रालयात झाली.उपमुख्यमंत्री देवेंद्र फडणवीस आणि मुख्य सचिव मनोजकुमार सौनिक यांच्यासह विविध विभागांचे मंत्री, प्रधान सचिव आणि अन्य वरिष्ठ अधिकारी उपस्थित होते.आजच्या बैठकीत शेतकरी, कंत्राटी ग्रामसेवक आणि शाळकरी विद्यार्थ्यांना मोठा दिलासा मिळाला आहे. कंत्राटी ग्रामसेवकांच्या वेतनात  10 हजार रुपयांची वाढ होणार आहे. तर पावसामुळे नुकसान झालेल्या शेतकऱ्यांना सुधारित दराने तत्काळ मदत करण्यात येणार असून १५०० कोटीची मान्यता देण्यात आला आहे.

मंत्रिमंडळ निर्णय खालीलप्रमाणे : (संक्षिप्त स्वरुपात)

⏩ सततच्या पावसामुळे नुकसान झालेल्या शेतकऱ्यांना सुधारित दराने तात्काळ मदत करणार; १५०० कोटीस मान्यता.

⏩ कंत्राटी ग्रामसेवकांच्या मानधनात वाढ करण्याचा निर्णय; आता मिळणार १६ हजार रुपये.

⏩ अनुसूचित जाती प्रवर्गातील विद्यार्थ्यांसाठी निर्वाह भत्त्यात केंद्राप्रमाणे सुधारणा.

⏩ पाचवी आणि आठवीच्या विद्यार्थ्यांना अधिक प्रोत्साहन देण्यासाठी शिष्यवृत्ती वाढविली.

⏩ लातूर येथे पशुरोग निदान प्रयोगशाळा स्थापन करणार.

⏩ पुणे येथे ४ अतिरिक्त कौटुंबिक न्यायालये स्थापन करणार.

⏩ अतिरिक्त न्यायालये व जलदगती न्यायालयांना दोन वर्षे मुदतवाढ.

⏩ मानसिक आजारमुक्त व्यक्तींकरिता पुनर्वसन गृहे योजना.

⏩ स्वातंत्र्य सैनिकांना घरांसाठी जमीन देण्यासाठी कौटुंबिक मासिक उत्पन्न मर्यादा वाढविली.

⏩ चिमूर आणि शिर्डी येथे अप्पर जिल्हाधिकारी कार्यालय स्थापन करणार.

(सविस्तर बातमी लवकरच….)