Last Updated on 28 Jul 2022 8:02 PM by Sanjay Patil/Adhorekhit
नवी दिल्ली |
राखी पौर्णिमेनिमित्त घरापासून दूर असलेल्या भावाला राखी पाठवण्यासाठी टपाल खात्याने विशेष ‘राखी पाकीट’ उपलब्ध केले आहे.प्रमुख टपाल कार्यालयांमध्ये ही पाकिटे मिळणार आहेत.भाऊ बहिणीचे अतूट नाते अधिक दृढ करण्यासाठी टपाल खात्याने या पाकिटाची निर्मिती करण्यात आली आहे.
या पाकिटांद्वारे बहिणी आपल्या भावांना राखी पाठवू शकतील.भाऊ-बहिणीचे अतूट नाते कायम ठेवण्यासाठी,ग्राहकांसोबत तितकेच अतूट नाते असणार्या टपाल खात्याद्वारे निर्मित या विशेष राखीच्या पाकिटांमधून स्पीड पोस्टद्वारे राखी पाठवण्याची व्यवस्था केली गेली आहे.
रक्षा बंधन हा सण 11 ऑगस्ट 2022 रोजी साजरा होणार आहे. या निमित्त टपाल विभागातर्फे नागरिकांसाठी अनेक सेवा पुरवल्या जात आहेत.
रक्षा बंधनासाठी टपाल विभागाने विशेष राखी लिफाफे तयार केले आहेत. टपाल खात्याच्या दिल्ली मंडळाच्या कार्यालयाने उच्च दर्जाच्या राखी लिफाफ्यांच्या विक्रीसाठी दिल्लीतील टपाल कार्यालयांमध्ये विशेष व्यवस्था केली आहे.हे लिफाफे वजनाला हलके,वॉटर प्रूफ,न फाटणारे,मजबूत आणि उत्कृष्ट मुद्रण केलेले आहेत.
या लिफाफ्यांसाठी वापरण्यात आलेला कागद वैशिष्ट्यपूर्ण असून हे लिफाफे पाण्याने खराब होणार नाहीत तसेच ते फाटणार नाहीत. हे राखी विशेष लिफाफे 11 cms × 22cms अशा सोयीस्कर मापाचे असून सहज सील करण्यासाठी पील-ऑफ स्ट्रिप सील यंत्रणेचा वापर केलेले हे लिफाफे आकर्षक डिझाइनमध्ये उपलब्ध आहेत.
या राखी लिफाफ्यांची किंमत देखील 15 रुपये प्रति लिफाफा अशी किफायतशीर आहे. दिल्लीच्या टपाल कार्यालयांमध्ये राखी लिफाफ्यांची विक्री आधीच सुरू झाली आहे.
कृपया तुमच्या जवळच्या मुख्य टपाल कार्यालयात जा आणि राखी लिफाफे खरेदी करा आणि टपाल कार्यालयामधून तुमच्या प्रियजनांना पाठवा.









































































