Last Updated on 21 Nov 2021 10:44 PM by Sanjay Patil/Adhorekhit
जर तुमची दाढी ही ९० च्या दशकात येण्यास सुरु झाली असेल तर कदाचित तुम्हाला माझी ही गोष्ट चांगल्या प्रकारे समजेल. हा तो काळ होता की जेव्हा आफ्टरशेव हा प्रकार जास्त लोकप्रिय झालेला नव्हता.
त्यावेळी लोक स्वत: शेविंग करायचे किंवा मग देसी सलूनमध्ये जाऊन शेविंग करायचे. त्यावेळी शेविंग करताना एक बाब मात्र, आवर्जून केली जायची. ती बाब अशी की, शेविंग केल्यानंतर चेहऱ्यावर तुरटी अवश्य चोळली किंवा घासली जायची. होयं, हे अगदी खर आहे. भले ही तुम्ही त्यावेळी छोट्याशा गावामध्ये किंवा वस्तीमध्ये रहात असाल किंवा मेट्रोपॉलिटन सिटीमध्ये रहात असाल. शेविंग केल्यानंतर चेहऱ्यावर तुरटी फिरवण्याची ही बाब आवर्जून केली जायची.
या मागील कारण पाहिल्यास तुरटीमध्ये असणारे औषधी गुण होयं. तुरटी आजही तितकीच गुणकारी आहे, मात्र, आजकाल लोक या तुरटीच्या गुणांविषयी परिचित नाहीत. त्यामुळे आजच्या या लेखातून आम्ही तुम्हाला तुरटीच्या ५ गुणांविषयी माहिती देणार आहोत. हे गुण जाणून घेतल्यानंतर तुम्हाला सुद्धा माहित होईल की, तुम्ही बाथरुमध्ये तुरटी ठेवणे हे किती जरुरी आहे.
तुरटी हे काय आहे ?
तुरटीला अॅलम, किंवा पोटॅशिअम अॅलम, पोटॅश अॅलम किंवा पोटॅशिअम अॅल्यूमीनियम सल्फेट असे ही म्हटले जाते. ही तुरटी रंगविरहीत असते, हे एक असे संयुग आहे की जे अॅल्युमिनिअम आणि पोटॅशिअम हायड्रेटेडचे डबल सल्फेट आहे. तुरटीचा वापर डाईंग आणि टॅनिंगच्या कामातही केला जातो.
तुरटी साधारणपणे मार्केटमध्ये अगदी सहज आरामात मिळते. या व्यतिरिक्त अनेक प्रकारच्या पारंपारीक ब्युटी प्रॉडक्ट्समध्ये या तुरटीचा उपयोग कोणत्या ना कोणत्या रुपात केला जातो. पुरुषांच्या चेहऱ्यावरील सौंदर्याला उजळवण्यासाठी पूर्वीपासून तुरटीचा वापर केला जातो. त्यामुळे आज ही तुरटीचा वापर करणे हे फायदेशीर ठरते.
1. आफ्टरशेवसाठी केला जातो वापर
तुरटीला आफ्टरशेवच्या रुपात एक लोशन म्हणून वापरले जाऊ शकते. चेहऱ्यावर शेविंग करताना ब्लेडमुळे अनेक कट्स लागण्याची शक्यता असते. हे छोटे कट्स लागल्यामुळे त्यातून रक्त येते अशावेळी मग रक्त रोखण्याचे काम तुरटी करु शकते. तसेच त्वचेवरील समस्या दूर करण्यासाठी खूप चांगल्या प्रकारे काम करते.
2. नैसर्गिक टोनर आणि त्वचेला घट्ट करण्यासाठी (As A Natural Toner And Skin Tightener)
तुरटीचा वापर आपण एक नैसर्गिक टोनर म्हणून ही करु शकतो. हे एक उत्तम टोनर तर आहेच शिवाय आपल्या त्वचेला घट्ट करण्यात देखील हे टोनर मदत करु शकते. त्वचेला नैसर्गिक चमक देण्यात तुरटी मदत करते. जर तुमचे वय हे ४० च्या पुढे आहे आणि तुमची त्वचा ही संवेदनशील असेल तर तुरटी तुमच्यासाठी प्रभावीपणे काम करते. मार्केटमध्ये मिळणाऱ्या इतर अनेक प्रॉडक्ट्सपेक्षा तुरटी तुमच्या त्वचेसाठी अतिशय चांगल्या प्रकारे काम करते.
3. तोंडात किंवा जिभेवर येणारे फोड ठीक करण्यासाठी
तुरटीचा वापर हा तोंड आल्यावर किंवा जिभेवर फोड आल्यावर ही करता येतो. तसेच तुरटीचा वापर हा कॅन्सरवर देखील केला जाऊ शकतो. यासाठी तुम्हाला एवढेच करायचे आहे की तुम्हाला तुमच्या फोडांवर थोडी तुरटी पावडर लावावी लागेल. ही पावडर तुम्ही फक्त 30-40 सेकंदांसाठी ठेवा आणि त्यानंतर ती जागा धुवा.
4. श्वासातील दुर्गंधी रोखण्यासठी
श्वासातील दुर्गंधी किंवा तोंडातील वास दूर करण्यासाठी तुरटी खूप प्रभावशाली ठरू शकते. तुम्हाला फक्त एक ग्लास कोमट पाण्यामध्ये चिमूटभर तुरटी पावडर आणि चिमूटभर काळे मीठ(सैंधव मीठ) एकत्र करायचे आहे. हे पाणी तुम्ही माऊथवॉश करण्यासाठी वापरा. याला माऊथवॉशसाठी एक नैसर्गिक पर्याय देखील म्हटले जाऊ शकते.
5. डार्क सर्कल्सपासून सुटका करुन घेण्यासाठी
एक ग्लास पाण्यामध्ये थोडीशी तुरटीची पावडर मिक्स करा. आता हे पाणी तुम्ही डार्क सर्कल्स (काळी वर्तुळे) वर लावा. हे पाणी फक्त तुमच्या डार्क सर्कल्सवर नाही तर तुमच्या डोळ्यांच्या आसपास येणाऱ्या सूजेवर देखील परिणामकारक आहे. तसेच तुमच्या चेहऱ्यावरील सूरकुत्या ठीक करण्यासाठी देखील हे तुरटीचे पाणी मदत करते.
(टीपःया लेखात समाविष्ट असलेल्या कोणत्याही माहिती/सामग्रीची अचूकता किंवा विश्वसनीयता याची हमी ‘अधोरेखित’ देत नाही.ही माहिती विविध माध्यमे तसेच विविध लेखामधून गोळा करून तुमच्यासाठी आणली गेली आहे.आमचा हेतू फक्त माहिती पोहोचवणे आहे,त्याच्या वापरकर्त्यांनी ती फक्त माहिती म्हणून घ्यावी.याव्यतिरिक्त,कृपया त्यांची अंमलबजावणी करण्यापूर्वी संबंधित तज्ञांशी संपर्क साधा)
