टिकटॉक,हॅलो,शेअरइटसह चीनच्या ५९ अ‍ॅपवर भारतात बंदी

बातमी शेअर करा :

Last Updated on 30 Jun 2020 2:52 AM by

भारताचा चीनवर डिजिटल स्ट्राईक

भारत सरकारने भारत-चीन तणावाच्या पार्श्वभूमीवर घेतला हा निर्णय

दिल्ली : लडाखमध्ये सीमेवर भारत-चीनमध्ये तणाव आहे.या तणावादरम्यान भारत सरकारने मोठा निर्णय घेत चीनला झटका दिला आहे. भारत सरकारने टिकटॉकसह ५९ चिनी अ‍ॅपवर घातली बंदी आहे.यात टिक टॉक, शेअर इट, हॅलो, यूसी ब्राऊझर यासारख्या अनेक अ‍ॅप्लिकेशनचा समावेश आहे. मोदी सरकारने सोमवारी टिकटॉकसह ५९ चिनी अ‍ॅपवर बंदी घालण्याचा निर्णय घेतला.

सीमेवरील तणाव व केंद्रीय गुप्तचर यंत्रणांनी चिनी अ‍ॅपविषयी दिल्यानंतर केंद्राने ५९ चिनी अ‍ॅपवर बंदी घालण्याचा निर्णय घेतला आहे.भारताचे सार्वभौमत्व व एकात्मता, देशाची सुरक्षा आणि देशातील जनतेचे हित लक्षात घेऊन केंद्रीय माहिती व तंत्रज्ञान मंत्रालयाने माहिती तंत्रज्ञान कायद्यातील कलम ६९ अ च्या अधिकाराचा वापर करत निर्माण झालेल्या असुरक्षिततेच्या पार्श्वभूमीवर ५९ चिनी अ‍ॅपवर बंदी घालण्याचा निर्णय घेतला.

भारतात युट्यूबहून अधिक युजर्स हे टिकटॉक अ‍ॅपचे आहेत.टिकटॉकचे जवळपास २० कोटी युजर्स असल्याचे सांगण्यात येते. तर हेलो अ‍ॅपचे भारतात ४० हजार युजर्स आहेत.वुई मेट, शेअर इट,युसी ब्राउजर्स,क्लब फॅट्री,युसी न्यूज,झेंडर,लाइक,सीएम ब्राउजर्स,शीन,न्यूजडॉग,वंडर कॅमेरा,कॅम स्कॅनर,क्लिन मास्टर-चिता मोबाइल,फोटो वंडर क्यूक्यू प्लेअर,स्वीट सेल्फी, हेलो,\यू व्हिडिओ,मोबाइल लेजंड्स अशा एकूण ५९ अ‍ॅपवर बंदी घालण्यात आली आहे.

चिनी कंपन्यांवर भारत सरकारची करडी नजर

भारताशी ज्या देशांच्या भौगोलिक सीमा जोडलेल्या आहेत अशा शेजारी देशांमधील गुंतवणूकदारांच्या गुंतवणुकीसाठी केंद्र सरकारची मंजुरी देशात बंधनकारक करण्यात आली आहे. या निर्णयाद्वारे केंद्र सरकारने चिनी कंपन्यांना भारतात अव्वाच्या सव्वा गुंतवणूक करण्यापासून रोखण्यासाठी पावले उचलण्यास सुरुवात केली आहे.चीन हळू हळू गुंतवणूक करुन भारतीय कंपन्या ताब्यात घेण्याच्या आणि देशाच्या अर्थव्यवस्थेलाच आव्हान देण्याच्या प्रयत्नात आहे. या प्रयत्नांची जाणीव होताच केंद्र सरकारने तातडीने कठोर पावले उचलली आहे. या पाठोपाठ चिनी अ‍ॅपवर बंदी घालून चीनची आणखी कोंडी करायला सुरुवात केली आहे.