“कोणीही कोणाला सर, मॅडम म्हणायचं नाही”

Last Updated on 15 Sep 2021 11:10 AM by Sanjay Patil/Adhorekhit

‘या’ ग्रामपंचायतीचा कडक नियम

जर एखाद्या स्थानिक ग्रामपंचायतीचे अधिकारी ‘सर’ किंवा ‘मॅडम’ सारख्या नेहमीच्या औपचारिकतेऐवजी त्यांच्या नावाने किंवा पदनामाने संबोधित करत असतील तर तुम्हाला काय वाटेल? विचार करा. कदाचित तुम्ही अशी कधी कल्पनाही केली नसेल. पण असं खरंच घडलंय.

केरळमधल्या एका ग्रामपंचायतीने ही कल्पना सत्यात उतरवली आहे. उत्तर केरळमधील माथूर गाव पंचायतीने सामान्य लोक, लोकप्रतिनिधी आणि नागरी संस्था अधिकारी यांच्यातील अडथळा दूर करण्याच्या आणि एकमेकांमधील प्रेम आणि विश्वासाचे बंधन निर्माण करण्याच्या उद्देशाने ‘सर’ आणि ‘मॅडम’ सारख्या औपचारिक सन्मानांवर बंदी घातली आहे.

माथूर ग्रामपंचायत अशी पहिली नागरी संस्था बनली आहे, ज्यांनी अशाप्रकारे नमस्काराच्या वापरावर बंदी घातली आहे. तसंच त्यांनी इतर नागरी संस्थांसाठी एक अनोखे सुधारणा मॉडेल सेट केले आहे. नुकत्याच झालेल्या पंचायत परिषदेच्या बैठकीत एकमताने हा ऐतिहासिक निर्णय घेऊन नवीन नियमाची अंमलबजावणी सुरू केली. राजकीय फरक बाजूला ठेवून, माकपचे सात उमेदवार आणि १६ सदस्यीय काँग्रेसशासित ग्रामपंचायतीतील भाजपाच्या एका सदस्याने या आठवड्याच्या सुरुवातीला या संदर्भात मांडलेल्या ठरावाला पाठिंबा दिला होता.

माथूर पंचायतीचे उपाध्यक्ष पी आर प्रसाद म्हणाले की, या निर्णयाचा मुख्य हेतू सामान्य लोकांमध्ये, जे त्यांच्या गरजांसह पंचायत कार्यालयांना भेट देतात आणि लोकप्रतिनिधी आणि अधिकारी यांच्यातील अंतर कमी करणे आहे.