Last Updated on 23 Sep 2021 4:36 AM by Sanjay Patil/Adhorekhit
नवी दिल्ली : एअर चीफ मार्शल आरकेएस भदौरिया यांच्या सेवानिवृत्तीनंतर नांदेड जिल्ह्याचे सुपुत्र एअर मार्शल विवेक राम चौधरी हे ३० सप्टेंबरला हवाई दल प्रमुखपदाची सूत्रे स्वीकारतील.चौधरी सध्या भारतीय हवाई दलाचे उपप्रमुख आहेत.वायु सेनेचे उपप्रमुख चौधरी यांनी राफेल विमानांच्या खरेदी संदर्भात महत्त्वाची भूमिका बजावली होती. फ्रान्समधील लढाऊ राफेल विमान प्रकल्पाच्या खरेदी प्रकल्पात लक्ष ठेवणाऱ्या द्विपक्षीय उच्चस्तरीय गटाचे ते प्रमुख होते.
राष्ट्रीय संरक्षण अकादमीचे (एनडीए) चौधरी हे विद्यार्थी आहेत. ते संरक्षण सेवा कर्मचारी महाविद्यालयातून पदवीधर देखील आहेत. एअर मार्शल हरजितसिंग अरोरा यांच्यानंतर १ जुलै २०२१ रोजी ते वायु सेनेचे ४५ वे उपप्रमुख झाले. ३० सप्टेंबर २०२१ रोजी एअर चीफ मार्शल राकेश कुमार सिंह भदौरिया यांच्या सेवानिवृत्तीनंतर ते वायु सेनेचे २७ वे प्रमुख म्हणून पदभार स्वीकारतील. यापूर्वी त्यांनी वेस्टर्न एअर कमांडचे एअर ऑफिसर कमांडिंग-इन-चीफ (एओसी-इन-सी) म्हणूनही काम केले आहे.
विविध प्रकारची लढाऊ विमाने हाताळण्यात विवेक राम चौधरी यांनी विशेष प्राविण्य मिळवले आहे. वायु सेनेच्या काही महत्त्वाच्या मोहिमांचा ते भाग राहिले आहेत. ऑपरेशन मेघदूत आणि ऑपरेशन सफेद सागरमध्ये देखील सहभागी होते.
भारतीय सशस्त्र दलाचे ३७ वर्षांपूर्वी झालेले ऑपरेशन मेघदूत यशस्वी ऑपरेशन होते. यामुळे काश्मीरमधील सियाचीन ग्लेशियरवर भारतीय लष्कराने पूर्ण नियंत्रण मिळवले होते. त्यानंतर पाकिस्तानी सैन्याला माघार घ्यायला भाग पाडले गेले. ही मोहीम १३ एप्रिल १९८४ रोजी सकाळी राबवण्यात आली. यात वायु सेनेने महत्त्वाची भूमिका बजावली. चौधरी या ऑपरेशनचा एक भाग होते.
२९ डिसेंबर १९८२ रोजी भारतीय वायु सेनेत चौधरी यांना फायटर पायलट म्हणून नियुक्त करण्यात आले. ते एक पात्र उड्डाण प्रशिक्षक आहे. त्यांना मिग -२१, मिग -२३ एमएफ, मिग -२९ आणि सुखोई -३० एमकेआय यासह विविध लढाऊ विमानांवर ३८०० तासांहून अधिक उड्डाणाचा अनुभव आहे.
नांदेड जिल्ह्यातील हदगाव तालुका येथील छोटेशा हस्तरा गावचे मूळ रहिवाशी
