Last Updated on 04 Nov 2021 4:54 AM by Sanjay Patil/Adhorekhit
नवी दिल्ली ।
देशभरातील वैद्यकीय महाविद्यालयांमध्ये प्रवेश घेऊ इच्छिणाऱ्या उमेदवारांसाठी एक मोठी बातमी आहे. NTA नॅशनल एलिजिबिलिटी कम एन्ट्रन्स टेस्ट चा निकाल जाहीर झाला आहे.NTA ने NEET 2021 चा निकाल विद्यार्थ्यांना त्यांच्या ईमेलवर पाठवला आहे.तसेच उमेदवार NTA NEET च्या अधिकृत साइट neet.nta.nic.in वर निकाल आणि अंतिम उत्तर की दोन्ही तपासू शकतात.
16 लाख विद्यार्थ्यांनी NEET परीक्षा दिली
अंडर ग्रॅज्युएट मेडिकल कोर्सेसच्या प्रवेशासाठी 12 सप्टेंबर 2021 पर्यंत प्रवेश परीक्षा होती. या वर्षी सुमारे 16 लाख उमेदवार नीट UG परीक्षेला बसले होते. NTN ने 15 ऑक्टोबर 2021 रोजी तात्पुरती उत्तर की जारी केली होती.
सर्वोच्च न्यायालयाने 28 ऑक्टोबर 2021 रोजी NTA ला नीट 2021 परीक्षेचा निकाल जाहीर करण्याची परवानगी दिली. यानंतर, आज NTA ने नीट निकालासह अंतिम उत्तर की देखील जारी केली आहे. आता नीट चा निकाल जाहीर झाल्यानंतर विद्यार्थ्यांना समुपदेशनासाठी हजर राहावे लागणार आहे. यासाठी उमेदवारांना नीट 2021 प्रवेशपत्र, नीट निकाल रँक लेटर किंवा स्कोअरकार्ड, 10वी-12वी प्रमाणपत्र, कोणताही एक आयडी, पासपोर्ट आकाराचा फोटो आवश्यक असेल.
नीट समुपदेशन 2021 च्या माध्यमातून सुमारे 83,075 MBBS, 26,949 BDS, 52,720 आयुष, 603 BVSC जागांची नोंदणी होणार आहे. तसेच यावर्षी बीएससी नर्सिंगमध्ये प्रवेश देखील नीट स्कोअरद्वारे केला जाईल.
