MHT CET परीक्षेचा निकाल थोड्याच वेळात; कुठे आणि कसा पाहाल निकाल? जाणून घ्या तपशील

बातमी शेअर करा :

Last Updated on 12 Jun 2023 10:16 AM by Sanjay Patil/Adhorekhit

मुंबई । राज्य समाईक प्रवेश परीक्षा कक्षाद्वारे घेण्यात आलेल्या एमएचटी-सीईटी परीक्षा 2023 चा निकाल 12 जून रोजी जाहीर होणार आहे. अभियांत्रिकी (इंजिनिअरींग) आणि औषधनिर्माणशास्त्र (फार्मसी) पदवी अभ्यासक्रमांच्या प्रवेशासाठी ही परीक्षा घेण्यात आली होती. हा निकाल,12 जून रोजी सकाळी 11 वाजता ऑनलाईन पद्धतीने जाहीर केला जाणार आहे.

पीसीएम (फिजीक्स, केमिस्ट्री, मॅथेमॅटिक्स) या ग्रुपसाठी परीक्षा 9 ते 14 मे दरम्यान घेण्यात ली होती. तर पीसीबी (फिजिक्स, केमिस्ट्री आणि बायोलॉजी) या ग्रुपसाठी परीक्षा 15 ते 20 मे दरम्यान झाली होती. परीक्षा ऑनलाईन घेण्यात आली होती. परीक्षा जवळपास 4.5 लाखापेक्षा अधिक विद्यार्थ्यांनी दिली होती. कॅप राउंड संदर्भातील वेळापत्रक निकाल जाहीर होताच जाहीर केले जाणार आहे. या अगोदर विद्यार्थ्यांना ऑनलाइन प्रवेश नोंदणी करता येणार आहे.