पूर परिस्थिती : आपत्ती कालावधीत अशी काळजी घ्या

बातमी शेअर करा :

राज्यात मान्सून कालावधीत वीज पडणे /वज्राघात होणे याचे प्रमाणे अधिक असल्याने जिवित व वित्तहानी होत असते. ही एक नैसर्गिक आपत्ती असून जिवित हानी व वित्तीय हानी टाळण्याच्या दृष्टीने काय उपाययोजना करण्यात याव्यात याबाबत राष्ट्रीय आपत्ती व्यवस्थापन प्राधिकरण यांनी राज्यासाठी मार्गदर्शक सूचना प्रसिध्द केल्या आहेत. नागरीकांनी अशा आपत्तीपासून बचाव करण्याच्या दृष्टीने काय करावे व काय करु नये याबाबतच्या जनजागृतीविषयक मार्गदर्शक सूचना तसेच राष्ट्रीय आपत्ती व्यवस्थापन प्राधिकरण यांनी नागरी पूर आपत्ती प्रसंगी पूर्वतयारी व प्रतिबंधक उपाययोजनांबाबतही सूचना दिल्या आहेत.

👉 पूर परिस्थितीत घराबाहेर पडू नका

👉 शासनाच्या अधिकृत प्रसार माध्यमांद्वारे प्रसारित होणाऱ्या माहिती व सतर्कतेच्या सुचनांकडे लक्ष द्या

👉 अफवांवर विश्वास ठेवू नका, गोंधळून जाऊ नका

👉 पूराच्या पाण्यामध्ये चालणे व गाडी चालवणे टाळा

👉 शरीरावर जखम असल्यास पुराच्या पाण्याचा संपर्क येऊ देऊ नका.यामुळे लेप्टोस्पायरोसिस होण्याची शक्यता असते

👉 तुटलेल्या विद्युत वाहिन्या नजीकच्या पाण्यापासून दूर रहा

👉 पूर परिस्थितीत गरज पडल्यास सुरक्षित ठिकाणी स्थलांतरित व्हा

👉 घरात पाणी शिरल्यास विद्युत उपकरणे ताबडतोब बंद करा

👉 पूराच्या पाण्यात चालणे टाळू शकत नसाल तर काठीचा किंवा आधाराचा वापर करा

👉 महत्त्वाची कागदपत्रे, मौल्यवान वस्तू सुरक्षित ठिकाणी ठेवा अतिवृष्टीकाळात मोबाईल फोन जवळ ठेवा

👉 आपत्कालीन परिस्थितीत मोबाईल मेसेजचा वापरा करा

👉 पशू-प्राण्यांना बांधू नका.त्यांचा जीव वाचविण्यासाठी त्यांना कोंडू नका!