राज्यातील मान्यवर वृद्ध साहित्यिक व कलावंत यांना मानधन योजना सन 1954-55 पासून संपूर्ण राज्यात या संचालनालयामार्फत राबविली जाते.
योजनेच्या अटी
🌑 अर्जदार किमान १५ वर्षांपासून महाराष्ट्र राज्याचा रहिवासी असावा. • वृध्द साहित्यिक व कलाकार यांचे वय ५० वर्षापेक्षा जास्त असावे.
🌑 कुटुंबाचे वार्षिक उत्पन्न ४८ हजार रुपये पेक्षा जास्त नसावे..
🌑 जे साहित्यिक व कलावंत अर्धांगवायू, क्षय, कर्करोग, कुष्ठरोग इत्यादी रोगांनी आजारी असतील व ज्यांना ४० टक्के शारीरिक व्यंग किंवा अपघाताने ४० टक्के अपंगत्व आले असेल त्यांना वयाची अट शिथिल केली जाईल..
🌑 साहित्यिक/कलावंत असल्याबाबत तसेच या क्षेत्रात व १५ ते २० वर्षे इतका प्रदीर्घ काळ कार्य केल्याबाबाबतचे किमान दोन पुरावे सादर करावे लागतील.
🌑 मानधन रक्कम अदा करण्यापूर्वी हयातीचा दाखला सादर करणे आवश्यक.
🌑 शासनाच्या अन्य कोणत्याही योजनेखाली नियमित मासिक आर्थिक लाभ घेणारी व्यक्ती या योजनेखाली लाभ घेण्यास पात्र राहणार नाही.
🌑 मानधन मिळणाऱ्या लाभार्थ्यांचे निधन झाल्यास त्याच्या पत्नी किंवा पतीस तहहयात मानधन देण्यात येते. वारसदाराला दिवंगत लाभार्थ्यांचे मृत्यूचे प्रमाणपत्र सादर करावे लागेल.
🌑 साहित्यिक व कलावंत यांना मानधनासाठी पात्र ठरवण्याचा अंतिम निर्णय जिल्हास्तरीय निवड समितीचा असेल.
योजनेअंतर्गत लाभ
🌑 अ वर्ग- वार्षिक मानधनाची रक्कम 16 हजार 800 किंवा 1 हजार 400 रुपये प्रतिमाह.
🌑 ब वर्ग- वार्षिक मानधनाची रक्कम 14 हजार 400 किंवा 1 हजार 200 रुपये प्रतिमाह.
🌑 क वर्ग – वार्षिक मानधनाची रक्कम 12 हजार किंवा 1 हजार रुपये प्रतिमाह.
संपर्क
संचालक, सांस्कृतिक कार्य संचालनालय, समाज कल्याण अधिकारी, विशेष जिल्हा समाज कल्याण अधिकारी कार्यालय.
जिल्हा माहिती कार्यालय,पुणे