शाळा नोंदणी व आवेदनपत्र भरण्यासाठी 30 एप्रिल पर्यंत मुदत
पूर्व उच्च प्राथमिक शिष्यवृत्ती परीक्षा (इ. 5 वी) व पूर्व माध्यमिक शिष्यवृत्ती परीक्षा (इ. 8 वी) दि. 20 जुलै 2022 रोजी महाराष्ट्र राज्यातील सर्व जिल्ह्यांमध्ये एकाच दिवशी घेण्याचे प्रस्तावित आहे. त्याकरीता शाळा नोंदणी व ऑनलाईन विद्यार्थी आवेदनपत्र भरण्यासाठी दि. 23 एप्रिल 2022 ते दि. 30 एप्रिल 2022 या कालावधीत तसेच शुल्क भरण्याची प्रक्रिया पूर्ण करण्यासाठी दि. 2 मे 2022 रोजीपर्यंत व्दितीय मुदतवाढ देण्यात आली आहे, असे महाराष्ट्र राज्य परीक्षा परिषद आयुक्त शैलजा दराडे यांनी प्रसिध्दीपत्रकाव्दारे कळविले आहे.
पूर्व उच्च प्राथमिक शिष्यवृत्ती परीक्षा (इ. 5 वी) व पूर्व माध्यमिक शिष्यवृत्ती परीक्षा (इ. 8 वी) 2022 ची अधिसूचना महाराष्ट्र राज्य परीक्षा परिषदेच्या www.mscepune.in व https://www.mscepuppss.in या संकेतस्थळावर प्रसिध्द करण्यात आली आहे. कोणत्याही परिस्थितीत दि. 30 एप्रिल 2022 नंतर ऑनलाईन अथवा ऑफलाईन पध्दतीने आवेदनपत्र तसेच दि. 2 मे 2022 नंतर शुल्क भरता येणार नाही, याची सर्व संबंधितांनी नोंद घ्यावी, असे आवाहनही महाराष्ट्र राज्य परीक्षा परिषद आयुक्त शैलजा दराडे यांनी केले आहे.
