मोठी बातमी । राज्यातील नगरपरिषद आणि नगर पंचायतींच्या निवडणुका स्थगित

बातमी शेअर करा :

Last Updated on 14 Jul 2022 6:03 PM by Sanjay Patil/Adhorekhit

17 जिल्ह्यातील 92 नगरपरिषदा आणि 4 नगरपंचायतीच्या निवडणुका स्थगित

मुंबई ।

राज्यातील 92 नगर परिषदांसह 4 नगर पंचायतींच्या निवडणुकांना राज्य निवडणूक आयोगाने स्थगिती दिली आहे.19 जुलै रोजी सर्वोच्च न्यायालयात होणाऱ्या सुनावणीनंतरच पुढील निर्णय घेण्यात येणार आहे निवडणूक कार्यक्रम स्थगित झाल्यामुळे सर्व क्षेत्रात जाहीर करण्यात आलेली आचार संहिताही आता लागू होणार नाही.निवडणूक आयोगाकडून याबाबतचे परित्रक काढण्यात आले आहे.

राज्य निवडणूक आयोगाने आज धाडलेल्या अध्यादेशात राज्यातील 92 नगरपरिषदा व 4 नगरपंचायतींच्या निवडणुकीला स्थगिती देण्यात आली आहे. सुधारित निवडणूक कार्यक्रम लवकरच जाहीर केला जाईल असेही आयोगाने सांगितले आहे. निवडणूक कार्यक्रम स्थगित झाल्यामुळे 92 नगरपरिषदा व 4 नगरपंचायतींच्या परिसरातील आचारसंहिता आता संपृष्टात आली आहे.

सर्वोच्च न्यायालयाच्या सुनावणीनंतर होणार घोषणा

निवडणूक आयोगाने 8 जुलै रोजी नगर परिषदा आणि नगर पंचायतीच्या निवडणुका जाहीर केल्या होत्या. मात्र, ओबीसी आरक्षणामुळे सुप्रीम कोर्टात सुनावणी होणार आहे. त्यामुळे 19 जुलै रोजी कोर्टात होणाऱ्या सुनावणीनंतरच पुढील निर्णय घेण्यात येणार आहे.