Last Updated on 26 Oct 2022 8:58 PM by Sanjay Patil/Adhorekhit
पेडिक्यूर करण्यासाठी आता केवळ मुलीच सलूनमध्ये जात नाहीत तर पुरुषांसाठीही ते अत्यंत आवश्यक झालं आहे. खरं तर पायाला पडलेल्या भेगा मुली असोत किंवा मुलं दोघांसाठी ते नामुष्कीचं कारण ठरु शकतं. त्यामुळं आता पुरुष मंडळीही टाचा आणि पायांची काळजी घेताना दिसतात.
सोशल मीडियाचा वाढता प्रभाव किंवा झपाट्याने विस्तारत जाणारे ग्लॅमर जग म्हणा, आता पुरुषांनाही डोक्यापासून पायापर्यंत अगदी परिपूर्ण दिसण्याची इच्छा आहे. या परफेक्शनमध्ये त्यांच्या पायाचाही समावेश आहे, ज्याची खास काळजी घेण्यास ते अजिबात मागे राहत नाहीत.
पण पायाला भेगा पडणे हा एक असा त्रास आहे, ज्याच्यावर उपचार शोधणं थोडं कठीण होऊन जातं. सर्वात पहिली गोष्ट म्हणजे हे लवकर बरे होत नाही आणि जरी लवकर ठीक झालं तरी ते अनेकवेळा चिरतात किंवा पायाला सातत्याने भेगा पडतात.
खरं तर फुट केअरचे काही खास नियम आहेत, ज्या फॉलो केल्यानंतर पायाच्या भेगांपासून सुटका मिळवता येते. पुरुषांची त्वचा थोडी कडक असते, तरीही हा सोपा उपचार चांगलं काम करु शकतो.
तर जाणून घेऊयात तुमच्या पायाच्या भेगा सहजपणे कसे दूर केले जाऊ शकतात.
कॉटन मोज्यांची भूमिका महत्त्वाची
पायांच्या भेगा जर ठीक करायच्या असतील तर सर्वात आधी आणि सोपा उपाय म्हणजे रात्री झोपायच्या आधी केला पाहिजे. यासाठी तुम्हाला कॉटनचे मोजे आणि पेट्रोलियम जेलीची गरज आहे.
सर्वात आधी तुम्ही तुमचे पाय धुवून घ्या. नंतर ते सुकवा आणि टाचांना चांगल्या दर्जाचे पेट्रोलियम जेली लावा. आता तुम्हाला कॉटनचे मोजे घालायचे आहेत
जेलीमुळे टाचांना मॉइश्चर मिळेल आणि सुती मोज्यांमुळे स्किनला श्वास घेता येईल आणि मोज्यांमुळे तुमची चादरही घाण आणि खराब होणार नाही.
टाचांना फेस क्रिम
तुम्ही ही त्या लोकांपैकी आहात का, की जे कोणतीही क्रिम आपल्या टाचांना लावतात ? जर याचे उत्तर होय असेल तर असं करणं त्वरीत बंद करा.
हे अवश्य समजून घ्या की, लोशन असो वा बाम किंवा सीरम…सर्वच्या सर्व शरीराच्या एखाद्या भागासाठी खास तयार केलेले असतात. जसे आय क्रिम खास डोळ्याच्या जवळील मऊ त्वचेसाठी बनवलेली असते. तर फेस क्रिम चेहऱ्याच्या त्वचेच्या हिशोबाने डागांसाठी किंवा सुरकुत्या कमी करण्यासाठी तयार केलेल्या असतात.
अगदी त्याच पद्धतीने फुट क्रिम पण वेगळी असते. ती बॉडी लोशनपेक्षा थोडी घट्ट असते. त्याचबरोबर यामध्ये काही अशा गोष्टी असतात ज्या टाचेच्या जाड त्वचेमध्ये घुसून त्यावर उपचार करु शकतात. तर मॉइश्चरायजर असं करु शकत नाहीत.
त्यामुळे टाचांची काळजी घ्यायची असेल किंवा त्यांना भेगा पडण्यापासून वाचवायचे असेल तर सर्वात आधी फुट क्रिमपासून सुरुवात करा.
पाणी कोमट असावे गरम नाही
जेव्हा पायांची काळजी घेण्याची गोष्ट येते, तेव्हा पाय धुवून क्रिम वगैरे लावण्याचा सल्ला दिला जातो. पण लक्षात ठेवा की, पाय थंड पाण्याने धुवायचे नसतात. तर पाय नेहमी कोमट पाण्यानेच धुतले पाहिजेत.
हेही लक्षात ठेवले पाहिजे की, हे पाणी कोमट असावे जास्त गरम नसावे. जास्त गरम पाण्याने पायातील मॉइश्चर आणखी कमी होऊ शकतं. त्यानंतर मॉइश्चरायजरही तेच लावा जे अल्कोहल फ्री आहे.
तसंही अल्कोहल फ्री असणारी टीप प्रत्येक प्रकारच्या मॉइश्चरायजरसाठी योग्य आहे. फक्त फुट क्रिमसाठीच नाही.
बूटानेही टाचा चांगल्या होतील
ही गोष्ट जरा विचित्र वाटेल पण बूटही तुमच्या टाचांच्या आरोग्याची काळजी घेतात. जर तुम्हाला बूट व्यवस्थित येत नसतील तेव्हाही तुमच्या टाचांना भेगा पडू शकतात.
कारण जेव्हा तुमच्या टाचांना काहीही घासले गेले तर त्याला सहजपणे भेगा पडतात आणि अनफिट बूट हेच काम करतात. अशा परिस्थितीनंतरही जेव्हा पायांना मॉइश्चराइज केले नाही तर टाचांचा त्रास वाढू शकतो.
भेगांमुळे आजारांना निमंत्रण
असं ही असू शकतं की तुम्ही तुमच्या टाचांवरील भेगांवर उपचार घेतच नसाल. पण हा बेजाबदारपणाचा फटका तुम्हाला बसू शकतो. त्यामुळे थोडी काळजी घेणं आवश्यक आहे.
पायाच्या भेगांवर योग्य वेळी उपचार केले नाहीत तर त्यामध्ये बॅक्टेरिया घर करु शकतात. काही दिवसांनंतर इतर अनेक आजार उद्भवू शकतात.
त्यामुळे थोड्याशा जरी भेगा पडायला सुरुवात झाली तर पाय धुवून क्रिम लावायला सुरुवात करा. सुरुवातीला खराब दिसणार नाहीत आणि त्यात बॅक्टेरियाही बसणार नाहीत.
घरगुती उपचार करतील मदत
केळी देईल बेस्ट ट्रीटमेंट
- 2 कच्च्या केळी मॅश करा
- केळी कच्च्याच असायला हव्यात हे लक्षात ठेवा. कारण पिकलेल्या केळींमध्ये एक ऍसिड असते. जे स्किनसाठी चांगले नसते
- 20 मिनिटांपर्यंत हे मॅश केलेल्या केळी संपूर्ण पायावर घासून घ्या. पायाच्या टाचा आणि नखांवरही ते घासा.
- आता स्वच्छ पाण्याने पाय धुवून घ्या.
नोटः 2 आठवड्यांपर्यंत रोज झोपण्यापूर्वी हे करा. किंवा जोपर्यंत पाय बरा होत नाही तोपर्यंत असे करत राहा.
कसे करेल कामः केळी नैसर्गिक स्किन मॉइश्चरायजर आहे. यामध्ये व्हिटॅमिन ए, बी 6 आणि सी आढळून येते. ज्यामुळे त्वचेची लवचिकता राहते आणि ती हायड्रेटेड राहते.
माऊथवॉश आणि व्हिनेगरमुळे टाचा होतील मऊ
- 1 कप माऊथवॉश, एक कप व्हाइट व्हिनेगर आणि दोन कप पाणी एकत्रित करा
- या मिश्रणात पाय 15 मिनिटांपर्यंत भिजवून ठेवा
- नंतर पाय बाहेर काढून प्युमिक स्टोनने स्क्रब करा. त्यामुळे टाचांवरील डेड स्किन निघून जाईल.
- आता पाय स्वच्छ पाण्याने धुवून घ्या
- पाय वाळल्यानंतर त्याला मॉइश्चरायज करा.
(टीपःया लेखात समाविष्ट असलेल्या कोणत्याही माहिती/सामग्रीची अचूकता किंवा विश्वसनीयता याची हमी ‘अधोरेखित’ देत नाही.ही माहिती विविध माध्यमे तसेच विविध लेखामधून गोळा करून तुमच्यासाठी आणली गेली आहे.आमचा हेतू फक्त माहिती पोहोचवणे आहे,त्याच्या वापरकर्त्यांनी ती फक्त माहिती म्हणून घ्यावी.याव्यतिरिक्त,कृपया त्यांची अंमलबजावणी करण्यापूर्वी संबंधित तज्ञांशी संपर्क साधा)
