वाळवा तालुक्यात बहुसंख्य गट–गणांमध्ये महायुती विरोधात राष्ट्रवादी (श. प.) थेट लढत

बातमी शेअर करा :

Last Updated on 28 Jan 2026 12:24 PM by Sanjay Patil/Adhorekhit

बहुतांश गट व गणांमध्ये थेट लढती, पक्षीय राजकारणासोबतच स्थानिक समीकरणेही निर्णायक ठरणार

सांगली ।
वाळवा तालुक्यात जिल्हा परिषद आणि पंचायत समिती निवडणुकीचा रणसंग्राम अखेर स्पष्ट झाला आहे. अर्ज माघारीच्या शेवटच्या दिवशी मोठ्या प्रमाणावर अर्ज मागे घेतल्याने जिल्हा परिषदेसाठी ३०, तर पंचायत समितीसाठी ५३ उमेदवार अंतिम रिंगणात राहिले आहेत. त्यामुळे तालुक्यातील बहुतांश गट व गणांमध्ये थेट, काट्याच्या लढती होणार असल्याचे चित्र आहे.

महायुतीतील भाजप, शिवसेना, राष्ट्रवादी (अजित पवार गट) व रयत क्रांती पक्ष यांच्या विरोधात राष्ट्रवादी काँग्रेस (शरद पवार गट) अशी लढत अनेक ठिकाणी पाहायला मिळत आहे. काही गटांमध्ये मात्र स्थानिक समीकरणांमुळे नेत्यांच्या आघाड्या, बंडखोरी आणि अपक्ष उमेदवारी निर्णायक ठरणार आहेत.

बोरगाव गटात काँग्रेस विरुद्ध राष्ट्रवादी (श. प.), तर कासेगाव, वाटेगाव, बावची, बागणी, येलूर आदी गटांत महायुती विरुद्ध राष्ट्रवादी (श. प.) अशी थेट लढत रंगणार आहे.

जिल्हा परिषद – गटनिहाय उमेदवार

अर्ज माघारीच्या प्रक्रियेनंतर वाळवा तालुक्यातील जिल्हा परिषद व पंचायत समिती निवडणुकीसाठी उमेदवारांची अंतिम यादी स्पष्ट झाली आहे. बहुतांश गट व गणांमध्ये थेट तसेच तिरंगी लढती होत असून पक्षीय राजकारणासोबतच स्थानिक समीकरणेही निर्णायक ठरणार आहेत.

रेठरेहरणाक्ष गट