आनंद वार्ता । कार्पोरेट कंपन्यांच्या कर्मचाऱ्यांचा पगार जबरदस्त वाढणार

बातमी शेअर करा :

Last Updated on 20 Sep 2021 4:57 PM by Sanjay Patil/Adhorekhit

नवी दिल्ली : पुढील वर्षी म्हणजेच 2022 मध्ये सरासरी 8.6 टक्के पगारवाढ कार्पोरेट कंपन्यांच्या कर्मचाऱ्यांना मिळण्याचा अंदाज आहे. ही बाब डेलॉयटच्या एका सर्वेक्षणामध्ये समोर आली आहे. 2021 मध्ये भारतीय कार्पोरेट कंपन्यांनी आपल्या कर्मचाऱ्यांना सरासरी 8 टक्के पगारवाढ दिल्यामुळे पुढील वर्षी ही वाढणारी पगारवाढ चांगल्या अर्थव्यवस्था आणि बाजारपेठेतील सुधारणा याचे संकेत मानले जात आहे.

2020 मध्ये केवळ 60 टक्के कंपन्यांनी आपल्या कर्मचाऱ्यांचे वेतन वाढवले होते. सर्वेक्षणात म्हटले आहे की, 2022 मध्ये सरासरी वेतनवाढ 8.6 टक्के होण्याची अपेक्षा आहे, जी 2019 च्या साथीच्या आधीच्या पातळीच्या बरोबरीची असेल. सर्वेक्षण केलेल्या सुमारे 25 टक्के कंपन्यांनी 2022 साठी दोन अंकी वेतनवाढीचा अंदाज व्यक्त केला आहे.

कर्मचारी आणि पगारवाढीच्या डेलॉयटच्या सर्वेक्षणामध्ये 2021 च्या सेकंड फेजनुसार 92 टक्के कंपन्यांनी यंदा आठ टक्के पगारवाढ दिली. सर्वेक्षणामध्ये सहभागी झालेल्या जवळपास 25 टक्के कंपन्यांनी पुढील वर्षी दुहेरी अंकात पगारवाढ देण्याचा अंदाज व्यक्त केला आहे. तर 2020 मध्ये केवळ 60 टक्के कंपन्यांनी पगारवाढ दिली होती. कोरोना महामारीच्या आधी म्हणजे 2019 मध्ये कंपन्यांनी 8.6 टक्के पगारवाढ दिली होती.

सर्वेक्षणात आणखी 450 कंपन्यांचा समावेश

2021 वर्कफोर्स आणि वेज ग्रोथ ट्रेंड सर्वेक्षण जुलै 2021 मध्ये सुरू करण्यात आले. सर्व्हेने सर्वप्रथम अनुभवी मानव संसाधन (HR) व्यावसायिकांना त्यांचा दृष्टिकोन विचारला. सर्वेक्षणात 450 हून अधिक कंपन्यांचा समावेश होता.
सर्वेक्षणानुसार, कंपन्या कौशल्य आणि कामगिरीच्या आधारे वेतन वाढीमध्ये फरक करत राहतील आणि सर्वोत्तम कामगिरी करणारे कर्मचारी सरासरी कामगिरी करणाऱ्यांना देण्यात येणाऱ्या वेतनवाढीच्या सुमारे 1.8 पट वाढीची अपेक्षा करू शकतात.

या क्षेत्रात सर्वात मोठी वाढ

सर्वेक्षण सूचित करते की, 2022 मध्ये माहिती तंत्रज्ञान क्षेत्र (आयटी) क्षेत्र सर्वाधिक वेतनवाढ देण्याची शक्यता आहे. आयटी हे एकमेव क्षेत्र आहे, जे काही अंकी/ई-कॉमर्स कंपन्यांनी सर्वाधिक वाढ देण्याची योजना आखत असताना दुहेरी अंकी वेतनवाढ अपेक्षित आहे.