515
चिंता वाढली । ओमिक्रॉनचा अखेर भारतात शिरकाव
आतापर्यंत दोन संक्रमित,एक दक्षिण आफ्रिकन आणि दुसरा आरोग्य कर्मचारी
संपर्कात आलेल्या पाच जणांना कोरोना
नवी दिल्ली ।
जगातील अनेक देशांमध्ये समोर येत असलेल्या ओमिक्रॉन या कोरोनाच्या नवीन प्रकाराने दहशत निर्माण केली आहे. आता ओमिक्रॉननेही देशात प्रवेश केला आहे.आरोग्य मंत्रालयाने आज सांगितले की, गेल्या 24 तासांत देशात ओमिक्रॉनची दोन प्रकरणे समोर आली आहेत. दोन्ही प्रकरणे कर्नाटकात आढळून आली आहेत.याबाबत केंद्रीय आरोग्य मंत्रालयाकडून माहिती देण्यात आली आहे.
माहिती केंद्रीय आरोग्य विभागाचे सहसचिव लव अग्रवाल यांनी दिली आहे. लव अग्रवाल यांनी पत्रकार परिषदेत बोलताना कर्नाटकमध्ये ओमिक्रॉनचे दोन रुग्ण आढळल्याचे सांगितले असून आत्तापर्यंत ओमिक्रॉन व्हेरिएंटचे रुग्ण एकूण २९ देशांमध्ये आढळल्याचे देखील सांगितले. त्यामुळे ओमिक्रॉन आता हळूहळू हातपाय पसरायला लागल्याचे चित्र दिसू लागले आहे.आत्तापर्यंत २९ देशांमध्ये ओमिक्रॉन व्हेरिएंटची लागण झालेले एकूण ३७३ रुग्ण सापडल्याचे देखील आरोग्य मंत्रालयाकडून स्पष्ट करण्यात आले आहे.
ओमिक्रॉन हा कोरोनाचा नवा व्हेरीएंट आहे आणि आफ्रिका तसेच युरोपमध्ये ह्या नव्या व्हेरीएंटने धुमाकूळ घातला आहे.
कर्नाटकात सापडलेल्या दोन रुग्णांपैकी एक रुग्ण 11 तारखेला तर दुसरा 20 नोव्हेंबरला भारतात आला होता. त्यांची कोरोना टेस्ट पॉझिटिव्ह आली होती. आता ओमिक्रॉनचा अहवालही पॉझिटिव्ह आला आहे.यापैकी एका संक्रमित व्यक्तीचे वय ६६ आणि दुसऱ्याचे ४६ वर्षे आहे.दरम्यान, कर्नाटकमध्ये सापडलेले ओमिक्रॉनबाधित हे दोन्ही रुग्ण परदेशी नागरिक असल्याची माहिती मिळत आहे.
त्यांचा अहवाल बुधवारी रात्री उशिरा प्राप्त झाला. दोघांवर उपचार सुरू असून त्यांची देखरेख करण्यात येत आहे. आरोग्य मंत्रालयाने सांगितले की, आम्हाला भीती किंवा भीतीचे वातावरण निर्माण करण्याची गरज नाही. कोरोना प्रोटोकॉलचे पालन करून ही लस स्वीकारली जाणार आहे. सरकार परिस्थितीवर लक्ष ठेवून आहे.
केंद्र सरकारने दावा केला की दोन्ही रुग्णांना वैद्यकीय निरिक्षणाखाली ठेवण्यात आले आहे, तर दाव्यानंतर लगेचच, बेंगळुरू महानगरपालिकेने एक निवेदन जारी केले की 20 नोव्हेंबर रोजी आलेला 66 वर्षीय रुग्ण 27 नोव्हेंबर रोजी देश सोडून गेला होता. स्वतः. त्यांच्या संपर्कात एकूण 266 लोक आले, तर त्यापैकी कोणालाही कोरोनाची पुष्टी झाली नाही. याशिवाय, दुसरी व्यक्ती 46 वर्षीय आरोग्य कर्मचारी आहे, ज्याचा प्रवासाचा इतिहास नाही. त्याच्या संपर्कात आलेल्या पाच जणांना कोरोनाची पुष्टी झाली आहे. सर्वांमध्ये सौम्य लक्षणे दिसून आली असून सर्वजण निरीक्षणाखाली आहेत.
ओमिक्रॉन व्हेरिएंटला रोखण्यासाठी भारत सरकारने युद्धपातळीवर पावले टाकत आंतरराष्ट्रीय विमान प्रवाशांबाबत कठोर धोरण राबवले. मात्र, त्यानंतरही ओमिक्रॉनने भारतात शिरकाव केला असून ओमिक्रॉनचे दोन रुग्ण आढळून आले आहेत.
एका ओमिक्रॉन विषाणूचा 35 जणांना संसर्ग
या विषाणूच्या संसर्गाविषयी सध्या संशोधन आणि अभ्यास करण्यात येत आहे. मात्र प्राथमिक अभ्यासातून काही निष्कर्ष समोर आले आहेत. मिळालेल्या माहितीनुसार ओमिक्रॉन हा विषाणू कोरोनच्या डेल्टा या रुपापेक्षाही जास्त संसर्ग पसरवतो. ओमिक्रॉन डेल्टाच्या तुलनेत तब्बल 500 टक्के जास्त संसर्गक्षम आहे. कोरोनाचा मूळ विषाणू तीन जणांपर्यंत संसर्ग पसरवू शकतो. तर डेल्टा व्हेरिएंट सात जणांवर हल्ला करु शकतो. मात्र ओमिक्रॉन हे कोरोनाचा नवे रुप तब्बल 35 जणांना बाधित करु शकते.
दरम्यान,भारतीय विमानतळ प्राधिकरणाद्वारे संचालित 11 विमानतळांवर बुधवारी म्हणजेच 2 डिसेंबर रोजी एकूण 1,502 आंतरराष्ट्रीय प्रवाशांची कोरोना चाचणी करण्यात आली. त्यापैकी कोणालाही संसर्ग झालेला नाही ही दिलासादायक बाब आहे.
