मुंबई । पुढील दोन वर्षांत देशभरातील पेट्रोल पंपांवर 20 टक्के इथेनॉल मिश्रित इंधन (E-20) उपलब्ध होईल.पहिले ई-20 स्टेशन यावर्षी 8 फेब्रुवारी रोजी कार्यान्वित झाले आहे.ही लक्ष्यित वेळ एप्रिलपूर्वीची होती.पेट्रोलियम मंत्री हरदीप सिंग पुरी यांनी शुक्रवारी सांगितले की 2025 पर्यंत 20 टक्के इथेनॉल मिश्रित इंधनाच्या किरकोळ विक्रीसाठी देशभरात पेट्रोल पंप सुरु होतील.ई-20 इंधनामध्ये पेट्रोलमध्ये 20 टक्के इथेनॉलचे मिश्रण असते.
उद्योग संस्था इंडियन मर्चंट चेंबर (IMC) च्या वार्षिक सर्वसाधारण सभेला संबोधित करताना पुरी म्हणाले,आतापर्यंत E-20 स्थानकांची संख्या 600 ओलांडली आहे.2025 पर्यंत देशभरात असे पेट्रोल पंप होतील
आता 39 देशांकडून कच्चे तेल आयात
पुरी म्हणाले की,सरकारने पेट्रोलमध्ये 20 टक्के इथेनॉल मिसळण्याचे लक्ष्य 2030 ते 2025 पर्यंत पाच वर्षांनी कमी केले आहे.ते म्हणाले,देशाने कच्च्या तेलाच्या आयातीची व्याप्ती वाढवली आहे.2006-07 मध्ये 27 देशांतून आयात होते,जी 2023 मध्ये 39 पर्यंत वाढली.
जैव इंधन पेट्रोल पंप वाढले 3 पट
पेट्रोलमध्ये इथेनॉलचे मिश्रण 2013-14 मधील 1.53 टक्केवरून मार्च 2023 पर्यंत 11.5 टक्केपर्यंत वाढेल.प्रमाणाच्या बाबतीत, इथेनॉल मिश्रित पेट्रोल 2013-14 मध्ये 38 कोटी लिटरवरून 2021-22 मध्ये 433.6 कोटी लिटरपर्यंत वाढले आहे.पेट्रोलियम मंत्री म्हणाले की,जैव-इंधन विकणाऱ्या पेट्रोल पंपांची संख्या 2016-17 मध्ये 29,890 वरून जवळपास तिप्पट वाढून 67,640 झाली आहे.मंत्रालय या महिन्यात जागतिक जैव-इंधन अलायन्स सुरू करणार आहे.
ग्रीन हायड्रोजनच्या वापरासाठी लवकरच कायदा
देशात ग्रीन हायड्रोजनच्या वापराबाबत कायदेशीर तरतुदी सुनिश्चित करण्यासाठी सरकार मार्गदर्शक तत्त्वे जारी करू शकते.नवीन आणि नवीकरणीय ऊर्जा मंत्रालयाचे सचिव भूपिंदर सिंग भल्ला यांनी शुक्रवारी सांगितले की,हायड्रोजन मिशनमध्ये ग्रीन हायड्रोजनच्या वापरासाठी मार्गदर्शक तत्त्वे आणण्याची तरतूद आहे.2030 पर्यंत तयार होणार्‍या एकूण ग्रीन हायड्रोजन उत्पादनापैकी सुमारे 70 टक्के हायड्रोजन मिशन अंतर्गत निर्यात केली जाईल,असे ते म्हणाले.
