फक्त ‘ 1930’ हा नंबर करा डायल : काही मिनिटांत आपली रक्कम होल्डवर जाईल
नवी दिल्ली । इंटरनेटचा वापर जसा वाढतो आहे, त्याच वेगात सायबर फ्रॉडची प्रकरणेही वाढत आहेत.सायबर क्रिमिनल्स नव्या नव्या पद्धतींनी लोकांची फसवणूक करत आहेत.बँकेपासून ते अनेक फायनेंशियल सर्विस देणाऱ्या कंपन्या आणि सरकार वेळोवेळी लोकांना ऑनलाइन फ्रॉडबाबत अलर्ट राहण्याचे सांगत आहे.
गृह मंत्रालयकडून सायबर फ्रॉडसंबंधी 1930 हा हेल्पलाइन नंबर जारी करण्यात आला आहे.सायबर गुन्हेगाराने फसवल्याचे कळताच त्वरित 1930 या क्रमांकावर कॉल केल्यास सायबर यंत्रणा कामाला लागते आणि अवघ्या सात ते आठ मिनिटांत ट्रान्सफर झालेली रक्कम होल्ड केली जाते.कारण,गुन्हेगार पैसे चोरी करण्यासाठी अनेक खात्यांचा वापर करीत असतात.कॉल येताच संबंधित बॅंक अथवा ई-साइटला अलर्ट केले जाते.त्यामुळे ट्रान्सफर सुरू असतानाच पैसे होल्ड केले जातात.
यंत्रणा काम कशी करते ?
हेल्पलाइन क्रमांकावर कॉल येताच नाव,मोबाईल,खाते क्रमांक,पैसे वजा झाल्याची वेळ ही महत्त्वाची माहिती विचारली जाते.त्यानंतर सर्व माहिती http://cybercrime.gov.in/ या गृहमंत्रालयाच्या संकेतस्थळावरील डॅशबोर्डवर शेअर केली जाते.याकामी आरबीआयचेही सहकार्य मिळत आहे.क्राईम झाल्यानंतर पहिले दोन ते तीन तास अत्यंत महत्त्वपूर्ण असतात. आतापर्यंत अनेक नागरिकांना त्यांचे पैसे परत मिळाले आहेत.
एकप्रकारचे सुरक्षा कवच
http://cybercrime.gov.in/ हे संकेतस्थळ आणि 1930 हा हेल्पलाइन क्रमांक म्हणजे एकप्रकारे सुरक्षा कवच आहे.याला ‘इंडियन सायबर क्राईम कोऑर्डिनेशन प्लॅटफार्म’ असेही म्हणतात.याच्याशी अनेक बॅंका, ई-वॉलेटस् ,पेमेंट गेटवेज, ई-कॉमर्सu संकेतस्थळ आणि अन्य वित्तीय सेवा देणाऱ्या खुप संस्था जुळलेल्या आहेत.
