इफ्फी महोत्सवाच्या चित्रपटांची यादी जाहीर, मराठीतील एकूण सहा चित्रपटांचा समावेश!

Last Updated on 06 Nov 2021 10:18 PM by Sanjay Patil/Adhorekhit

५२ वा इफ्फी चित्रपट महोत्सव २० ते २८ नोव्हेंबर दरम्यान गोव्यात

सेमखोर(दिमासा) चित्रपटाने महोत्सवाची होणार सुरुवात

वेद…द व्हिजनरी- हा राजीव प्रकाश दिग्दर्शित माहितीपट असणारा उद्घाटनाचा माहितीपट

इफफी दरम्यान 24 चित्रपट/लघुपट आणि 20 माहितीपट दाखवले जाणार

गोवा ।

गोव्यात होणाऱ्या 52 व्या भारतीय आंतरराष्ट्रीय चित्रपट महोत्सव (इफ्फी) 2021 साठी चित्रपटांची अधिकृत निवड जाहीर करण्यात आली आहे.मराठीतील एकूण सहा चित्रपटांचा समावेश आहे.ज्यात पाच फीचर फिल्म्स आहेत तर एक ही नॉन फीचर फिल्म असणार आहे.

फीचरफिल्म्स या प्रकारात

निपुण धर्माधिकारी दिग्दर्शित मी वसंतराव…
अनंत महादेवन दिग्दर्शित बिटरस्वीट…
निखिल महाजन दिग्दर्शित गोदावरी…
विवेक दुबे यांचा फनरल…
मेहुल अगाजा यांच्या निवास…

या मराठी चित्रपटांचा समावेश करण्यात आला आहे.

नॉन-फीचरमध्ये एकमेव मराठी ‘मुरमूर्स ऑफ द जंगल’चा समावेश आहे.

इफ्फी दरम्यान 25 फीचर फिल्म्स आणि 20 नॉन-फिचर फिल्म्स दाखवण्यात येणार आहेत. फीचर फील्म्समध्ये 25 पैकी 5 मराठी चित्रपटाचा ह्या यादीत समावेश आहे. एकूण 221 भारतीय चित्रपटांपैकी निवडक अशा 25 फीचर फिल्म्स निवडण्यात आली आहे. तर दुसरीकडे नाॅन-फीचर फिल्म्समध्ये 203 पैकी 20 नाॅन-फीचर फिल्म्स दाखवण्यासाठी निवड करण्यात आली आहे.

सेमखोर (दिमासा) ह्या भारतीय फीचर फिल्मने महोत्सवाची सुरुवात होणार आहे तर राजीव प्रकाश दिग्दर्शित ‘वेद…द व्हिजनरी’ हीओपनिंग भारतीय नॉन-फीचर फिल्म असणार आहे.

52 वा  भारतीय आंतरराष्ट्रीय चित्रपट महोत्सव- इफ्फी (IFFI) 20-28 नोव्हेंबर 2021 या कालावधीत गोव्यात होणार आहे.सध्याची कोविड -19 ची  परिस्थिती लक्षात घेता, 52 वा इफ्फी (IFFI) मिश्र( हायब्रीड) स्वरूपात आयोजित केला जाईल.

जगभरातील सर्वोत्कृष्ट समकालीन आणि अभिजात चित्रपटांचा व्यापकआणि  विविधांगी पट इफ्फीत मांडला जातो. जगप्रसिद्ध चित्रपट निर्माते, अभिनेते, तंत्रज्ञ, समीक्षक, शिक्षणतज्ज्ञ आणि चित्रपट रसिकांचे महोत्सवात स्वागत केले जाते. चित्रपटांचे सादरीकरण, वर्ग, परिचर्चा, सहनिर्मिती, परिसंवाद इत्यादींच्या माध्यमातून हा चित्रपट आणि कलेचा सोहळा साजरा केला जातो.

इफ्फीबद्दल

भारतीय आंतरराष्ट्रीय चित्रपट महोत्सवाची (IFFI) स्थापना 1952 मधे झाली. हा आशियातील सर्वात महत्त्वपूर्ण चित्रपट महोत्सवांपैकी एक आहे.  सध्या गोवा राज्यात दरवर्षी हा महोत्सव आयोजित केला जात आहे. जगभरातील चित्रपटांना त्यांच्यातील सर्वोत्तम जगापुढे मांडण्यासाठी एक सामायिक व्यासपीठ प्रदान करणे, विविध देशांच्या चित्रपट संस्कृतीला त्यांच्या सामाजिक आणि सांस्कृतिक नीतिमूल्यांच्या अंगाने समजून घेणे, त्यांच्या योगदानाचे कौतुक करणे आणि जगातील लोकांमध्ये मैत्री आणि सहकार्याला प्रोत्साहन देणे हे या महोत्सवाचे उद्दीष्ट आहे.

केंद्रीय माहिती आणि प्रसारण मंत्रालयाचा चित्रपट महोत्सव संचालनालय आणि गोवा राज्य सरकार यांच्या संयुक्त विद्यमाने हा महोत्सव आयोजित केला जातो.

52व्या इफ्फीसंबंधित सर्व अद्ययावत माहिती महोत्सवाचे संकेतस्थळ www.iffigoa.org, पीआयबी संकेतस्थळ (pib.gov.in), तसेच इफ्फीचे समाजमाध्यम (सोशल मिडिया) हँडल ट्विटर, फेसबूक आणि इन्स्टाग्राम त्याचबरोबर पीआयबी गोव्याच्याही समाजमाध्यम हँडल्सवर मिळू शकते.

इंडियन पॅनोरमामध्ये निवड झालेल्या 24 चित्रपटाची यादी खालील प्रमाणे आहे:

एकूण 20 नॉन – फिचर फिल्म्स इफ्फीमध्ये प्रदर्शित करण्यात येणार आहेत.

या विभागात निवड झालेल्या 20 चित्रपटांची यादी खालीलप्रमाणे :